Возачот на Јамаха, Маверик Вињалес, победи на Големата награда на Емилија Ромања (Италија), седма трка во сезоната од Мото ГП шампионатот. Шпанецот до триумфот дојде после инцидентот во кој учествуваше Франческо Банјаја.

Банјаја, кој на тренингот во саботата го надмина рекордот на патеката „Марко Симончели“, излета од патеката на седум круга до крајот, додека беше на чело на трката.

Вињалес тоа го искористи за победа пред Жоан Мир и Пол Еспаргаро кој четврти помина низ целта, но му е доделено третото место, бидејќи Фабио Квартараро не ја одработи казната од долг круг, па му беа додадени три казнени секунди. Тимскиот колега на Вињалес, Валентино Роси, излета од патеката во вториот круг, се врати на трката, но подоцна мораше да се откаже.

После трката во Мизано, Довициозо и натаму е лидер во генералниот пласман со 84 поени, само еден повеќе од второпласираниот Квартараро и Вињалес на третата позиција, а веднаш зад водечкото трио е Мир со 80 поени.

Наредната трка ќе се вози наредниот викенд на патеката „Каталуња“ за Големата награда на Каталонија.

? @mvkoficial12 masters Misano after late heartbreak for @PeccoBagnaia!

Don't miss #AfterTheFlag for all of the post-race reaction and analysis! ?https://t.co/deoyqHejUq@TISSOT | #EmiliaRomagnaGP ? pic.twitter.com/BO3Yb5mqnp

— MotoGP™? (@MotoGP) September 20, 2020