Победнички ја заврши годината Куманово 2009 со убедлива победа (104:76) против „фенерџијата“ Ангели во друштвото на најдобрите во рамките од 12. коло во Првата лига.

Домаќините, без ниту еден странец во екипата, им парираа на кумановци до три минути пред крајот на првото полувреме кога А. Наумоски постигна тројка, и намали на (37:39). Следуваше серија на Куманово од 14:2 со која се одвои на двоцифрени 53:39.

Во продолжението на играта дилеми повеќе немаше. Подобрата, поискусната екипа знаеше не само да ја задржи таа предност, туку и да ја донесе до уште повисоки 84:60 како што беше на крајот на третата четвртина. Онаа последната беше само обична формалност.

Кај победничките редови Мексвејн реализираше 20 поени (седум скокови), потоа 16 поени запиша Глигоријевиќ, а по 15 Абром и Зивчевиќ.

Кај Ангели за кои ова беше и 12 пораз во серија сезонава откако се во Првата лига, Атанасов уфрли 21 поен, Прентовиќ имаше 13, а по 10 реализираа Деолски и Л. Наумовски.