Легендарниот бразилски фудбалер и неговиот брат во саботата се префрлени во затвор во парагвајскиот главен град Асунсион, по налог на јавниот обвинител.

Браќата се наоѓаат во затворот Квадрилатерал, каде што се сместени обвинетите за корупција, за трговија со дрога и лицата против кои се водат политички процеси.

Денеска се појави првата слика од Роналдињо во затворот, облечен во црн шорц, маичка и бели папучи, но што е најважно, насмевката сè уште е на неговото лице.

На Роналдињо му се заканува затворска казна од шест месеци бидејќи во Парагвај влегол со лажен пасош.