Демонстрантите денеска го запалија седиштето на паралелната влада во Бенгази, вториот по големина град во Либија, каде е направена значителна материјална штета, соопштија извори блиски до безбедносните сили.

Protesters in Libya's second city Benghazi set fire to the headquarters of the parallel eastern administration controlled by strongman Khalifa Haftar, a security source said https://t.co/TI0WjNHNnB

— AFP news agency (@AFP) September 13, 2020

– Група демонстранти рано утрово го нападна Советот на министри, подметнаа пожар и побегнаа, изјави извор близок до Министерството за внатрешни работи на паралелната влада во Либија.

#BREAKING
Locals in Libya’s second largest city Benghazi protest against the continuous power cuts & fuel shortage. #Libya #LibyaReview pic.twitter.com/E8yStqZDAa

— Libya Review (@LibyaReview) September 10, 2020

Полицијата и пожарникарите брзо пристигнале на местото и го изгаснале пожарот, во кој е уништен главниот влез на зградата.

Либија се наоѓа во целосен хаос од 2011 година, кога долгогодишниот лидер Моамер ел-Гадафи беше симнат од власт и набрзо потоа убиен.

Либија од 2015 година е поделена меѓу двете ривалски влади, бунтовничката на истокот од земјата и меѓународно признатата во Триполи.