Истекување на радиоактивна вода вчера беше откриено во нуклеарната централа Фукушима Даичи во североисточна Јапонија, но не се откриени траги од контаминација надвор од локацијата, изјави денеска за АФП операторот на постројката Тепко.

Ова истекување од приближно 5.500 литри во централата, кое беше сериозно оштетено во 2011 година, се случи пред водата да се прочисти со систем наречен АЛПС, кој ја ослободува водата собрана во централата од повеќето нејзини радиоактивни материи, објасни портпаролката на Тепко.

Протекувањето било прекинато дваесетина минути откако било откриено вчераутро.

Таа вода може да содржи радиоактивни изотопи како што се цезиум 137 и стронциум 90, вели портпаролката на Тепко, додавајќи дека раководството на централата планира да ја отстрани почвата загадена од истекувањето.

„Нема значајни промени“ во податоците од следењето на радиоактивноста околу електраната, уверува тој.

Нуклеарната централа Фукушима Даичи беше уништена во страшното цунами во 2011 година во североисточна Јапонија.

Деконтаминацијата и демонтажата на електраната се уште се со децении, а најтешкиот дел – отстранувањето на стопеното гориво од оштетените реактори – допрва треба да започне.

По зеленото светло од Меѓународната агенција за атомска енергија (МААЕ), Јапонија почна постепено да испушта огромно количество вода од централата во Тихиот Океан минатото лето по обработката во системот на АЛПС.

Јапонија и МААЕ уверуваат дека овој процес, кој треба да трае до почетокот на 2050-тите, е безбеден за морската средина и здравјето. Меѓутоа, Кина и Русија изразија сериозна загриженост и го прекинаа целиот увоз на јапонски морски плодови.