Првиот основен суд во Белград донесе првостепена пресуда во постапката против актерот и режисер Драган Бјелогрлиќ за насилничко однесување кон неговиот колега Предраг Антонијевиќ. На Бјелогрлиќ судот му изрече мерка опомена – условна казна, пренесува „Н1“.

Имено, тој е осуден на затворска казна од шест месеци, која нема да се изврши доколку во рок од две години не стори ново кривично дело. Судот утврди дека во конкретниот случај, условната казна од шест месеци е доволна за да се влијае обвинетиот во иднина да не врши кривични дела.

На претходните рочишта беше спорно дали Бјелогрлиќ го удрил првиот удар со отворена или затворена тупаница, а адвокатот на Антонијевиќ рече дека лекарскиот преглед покажал дека повредата со која се здобила жртвата можела да биде предизвикана и од „тупаница“ и од „ шлаканица“.

Да потсетиме, Антонијевиќ го пријави Бјелогрлиќ за инцидентот во хотелот „Амбасадор“ во Ниш во 2021 година кога меѓу нив дошло до физички конфликт. Судењето започна на крајот на март 2022 година, а Бјелогрлиќ тогаш се изјасни за невин.

Почна судењето на Драган Бјелогрлиќ за физички напад на Предраг Гага Антонијевиќ