Експертот за анализа на политики со фокус на Западниот Балкан, универзитетскиот професор Михаил Вит од Чешка коментирајќи ги заклучоците по одржувањето на самитот на ЕУ- Западен Балкан во Брисел за „Слободен печат“ вели дека претседавањето на неговата земја со ЕУ кое треба да започне од следниот месец може да донесе нови позитивни вибрации во процесот на проширување.

– Чешкото претседателство демонстрира поголемо разбирање на процесот кој во моментов се случува во регионот и може да се заклучи дека во Чешка сето се доживува од неутрална гледна точка. Во исто време Чешкото претседателство ќе овозможи да се спроведе нов пристап со т.н. метода на „низок профил“ со која се надева земјата дека ќе се избегнат бранувањата на оваа тема по секоја цена кои деновиве се актуелни – посочува тој.