Германија е подготвена да ја поддржи реконструкцијата во Појасот Газа штом ќе се воспостави одржлив прекин на огнот, изјави министерката за развој Реем Алабали Радован, според ДПА. „Веќе имаме проекти, на пример за транзициско домување“, изјави министерката за германското радио.

„Проектите се веќе платени и подготвени“. Таа истакна дека Појасот Газа „е претежно уништен, што значи дека луѓето се бездомници и речиси и да нема инфраструктура“. Населението живее во катастрофално нехигиенски услови, продолжи Алабали Радован, додавајќи дека Германија може да помогне со рехабилитација, водоснабдување и отстранување на урнатините. „Ова се само некои од примерите со кои веќе имаме искуство и помош што можеме веднаш да ја понудиме“, рече таа.

Таа оцени дека и палестинскиот Хамас и Израел имаат обврска да преговараат за мир. Двете страни преговараат во Египет за мировниот план на американскиот претседател Доналд Трамп. „Двете страни имаат одговорност да финализираат евентуално примирје“, рече германскиот министер, пренесува Феникс магазин.