Реал Мадрид е се подалеку од титулата во шпанската Ла Лига, а една од причините веројатно е што освојувачот на „Златната топка“, Карим Бензема никако не успева да ја пронајде вистинската форма.

Францускиот напаѓач од почетокот на сезоната се мачи со проблеми со повреди и Анчелоти без него ќе биде и за викендот кога „кралевите“ ќе играат со Еспањол. Олеснителна околност за Реал е што Бензема веројатно ќе биде спремен за реваншот од осминафиналето против Ливерпул.

Досега алтернатива за Бензема најчесто беше Родриго, но „Марка“ најавува дека Анчелоти викендов би можел да изненади со младиот Алваро Гонзалес на позицијата „деветка“.

Бензема во последно време има сериозни проблеми со повредите, а го пропушти и Мундијалот во Катар.