Собраниската Комисија за финансирање и буџет денеска треба да ја продолжи расправата по амандманите на Предлогот за изменување и дополнување на Буџетот за 2025 година.

Вчера беа разгледани, но не добија поддршка неколку амандмани поднесени од опзициските пратеници, меѓу кои и амандманот од пратениците од СДСМ за одредување буџетски средства за повредените во пожарот во Кочани, за кој заменик министерот за финасии Николче Јанкуловски оцени дека е за добивање политички поени.

За ребалансот на Буџетот се доставени 200 амандмани, од кои 160 од СДСМ.

Вкупните приходи со ребаланост се проектирани на ниво од 362,4 милијарди денари, а расходите на износ од 403,7 милијарди денари, по еден процент (околу 3,5 милијарди денари) повеќе во однос на иницијалните проекции со планот за годинава. Проекцијата за БДП останува 3,7 проценти, а инфлацијата е проектирана на ниво од 2,8 проценти. Буџетскиот дефицит останува непроменет и во апсолутен износ и како процент од БДП, односно 41,3 милијарди денари или 4 проценти од БДП. Капиталните расходи, пак, на износ од 47,5 милијарди денари. Државниот долг на крајот на 2025 година според проекциите на Владата ќе изнесува 53,3 проценти од БДП, а јавниот долг се очекува да биде на нивото од 62,1 процент.