Кривичен совет на Вишиот суд во Белград донесе решението за продолжување на притворот на обвинетиот Владимир Кецмановиќ, таткото на момчето убиец од ОУ „Владислав Рибникар“, кој според тоа решение може да трае најмногу 60 дена, јавија српските медиуми.

На обвинетиот Владимир Кецмановиќ му е продолжен притворот од законски причини пропишани со одредбите од член 211 став 1 точки 3 и 4 од Законот за кривичната постапка, односно поради постоење посебни околности кои укажуваат дека во случај да биде пуштен на слобода, во краток рок ќе го повтори кривичното дело бидејќи и имајќи предвид дека постои основано сомневање дека сторил кривично дело за кое е пропишана казна затвор над десет години, како и начинот на извршување и тежината на последиците од кривичното дело доведоа до јавна вознемиреност која може да го загрози непреченото и правично водење на кривичната постапка.

Обвинетиот Владимир Кецмановиќ се товари за кривично дело против општата сигурност од член 288 став 2 во врска со член 278 став 1 од Кривичниот законик на Србија.

Против наведеното решение е дозволена жалба до Апелациониот суд во Белград, во рок од три дена од приемот на решението.

Синот на обвинетиот Владимир Кецмановиќ во основното училиште Владислав Рибникар во белградската општина Врачар на 3 мај 2023 година застрела девет ученици и еден чувар.