Баерн Минхен вчера вечерта попушти, ја прифати понудата на Барселона и Роберт Левандовски од следната сезона ќе носи дресот на каталонскиот тим.

Барсеона понуди 45 милиони евра отштета плус пет милиони во бонуси, што беше доволно за Баерн да каде „да“ и Левандовски по осум години си заминува од „Алијанц Арената“.

– Пред два месеци немаше конкретна понуда, сето тоа беше шпекулација. Барселона сега понуди компензација што ја прави разумна продажбата на Левандовски за нас. Бевме успешни на пазарот и го доведовме Садио Мане кој е напаѓач од светска класа. Секогаш бевме во добра позиција во преговорите и на крајот почувствувавме дека е најдобро да му дадеме дозвола на Роберт да си замине. Да се ​​држиме до нешто само поради инает или его за мене е знак на слабост – изјави претседателот на Баерн Минхен, Оливер Кан.