Репрезентацијата на Франција доживеа нов шок пред почетокот на Светското првенство во Катар. Карим Бензема се повреди на тренинг и сега со нетрпение се очекуваат вести за тежината на повредата.

Тоа беше првиот тренинг на Бензема со тимот од почетокот на мини-подготовките, а според првите информации кои ги објави француски „Л’Екип“, постои можност Бензема да го пропушти целото Светско првенство.

Претходно постоеше можност официјално најдобриот играч на светот да го пропушти првиот натпревар што „триколорите“ го играат против Австралија, но Французите веруваа дека селекторот Дидие Дешам ќе може да смета на својот напаѓач на останатите натпревари.

Да потсетиме, кај актуелните светски шампиони поради повреди отпаднаа Нголо Канте, Пол Погба, Кристофер Нкунку и Преснел Кимпембе.

Франција се наоѓа во групата „Д“ на Мундијалот заедно со селекциите на Данска, Тунис и Австралија.

https://twitter.com/goal/status/1594043292207157248