Полицијата вчера попладне приведе 13 албански државјани во близина на хотелски комплекс на улицата „Наум Охридски“ во Охрид, кои биле затекнати при изведување градежни активности без соодветна работна дозвола.

-Од преземените мерки, констатирано е дека тие, на 14.04.2025 година, оствариле легален влез во државата, но, не поседувале соодветни одобренија и дозвола за привремен престој по основ на работа, согласно член 80 од Законот за странци – соопшти СВР Охрид.

Тие немале ни сертификати кои биле обврзани да ги поседуваат согласно со предвидените норми за имплементацијата на Законот за ратификација на Договорот за услови за слободен пристап до пазарот на трудот во Западен Балкан.

По целосно документирање на настанот, Регионалниот центар „Запад“, ќе поднесе соодветна пријава.