Триесет и деветгодишна Србинка била приведена вчера на граничниот премин „Богородица“ откако на граничните полицајци им дала фалсификувана возачка дозвола.

„Вчера во 13.00 часот на Граничен премин Богородица, полициски службеници ја лишиле од слобода Р.М.В.(39) од Република Србија затоа што при гранична контрола и проверка било констатирано дека на увид приложила фалсификувана возачка дозвола. Лицето било спроведено во Основен суд Гевгелија, каде што ѝ била изречена условна казна затвор од една година, доколку во рок од две години не го повтои делото и казна протерување на странец од Република Северна Македонија во рок од две години“, информираат од МВР.