Полицијата денеска привела функционер на опозициската ДУИ за намерно предизвикување на пожари во подрачјето на Скопје, а во неговиот дом е извршен претрес, неофицијално дознава „Фокус“.

Според порталот, станува збор за претседателот на партискиот огранок во Шуто Оризари.

При претресот, според овие информации, биле пронајдени пиротехника и други запаливи материјали, а воедно му бил одмезен и мобилниот телефон, кој ќе се вештачи.

Меѓу другото, се испитуваат сомнежите дека тој е поврзан и со пожарот на отпадот во Визбегово, бидејќи поседува имот веднаш до парцелата на која изгореа огромни количества отпад, гуми и масло.

Според „Фокус“, братот на приведениот функционер на ДУИ е директор на скопско јавно претпријатие.