Дваесет и шестгодишен државјанин на Албанија е осомничен од ОЈО за кривично дело неовластено производство и пуштање во промет наркотични дроги, психотропни супстанции и прекурсори.

Според досегашните наоди на истрагата на 19 овој месец тој се обидел во земјава да внесе 9,97 килограми марихуана, која била спакувана во 12 пакувања и скриена во багажниот простор од автомобил „мерцедес“ со албански таблички. Дрогата била откриена од цариници од преминот „Богородица“. Судот на осомничениот му е определи притвор во траење од 30 дена.