30 дена притвор за функционерот на ДУИ Исмет Гури и за уште две лица, по денешната акција на МВР и Обвинителството, потврдија за „Слободен печат“, од Кривичниот суд. Судија на претходна постапка денеска го прифати барањето на ОЈО и одреди мерка притвор  по три точки, поради можност за бегство, влијание на сведоци, уништување докази.

Кривична пријава е поднесена против 15 физички и 3 правни лица.

Изутрината од страна на полицијата беа спроведени претреси на 7 локации. При претресите беа запленети мобилни телефони и документација, а при претресите на две локации беа пронајдени и запленети вкупно 35 куршуми од кои 8 куршуми со калибар 6,5 мм, 10 куршуми со калибар 7,65 и 17 куршуми со калибар 9 мм, при што дополнително се приведени две лица, за кои по документирање на случаите ќе следува соодветна пријава.“ велат од МВР