Увозот на течен природен гас (ЛНГ) во Европа би заменил половина од речиси 14 милијарди кубни метри руски гас што би бил недостапен доколку Украина не го обнови транзитниот договор што истекува на крајот на годината, пишуваПолитика.рс.

До 7,2 милијарди кубни метри волумен што вообичаено минува низ Украина до ЕУ ќе биде заменет со течно гориво, изјави за Монтел Кристох Халсер од Ристад енерџи.

„Рускиот производител Газпром и европските увозници се заинтересирани за продолжување на испораките преку Украина, но украинските власти негираат каква било намера да го обноват договорот со Русија“, рече Халсер.

Европа веќе планира целосно да ја намали зависноста од руските фосилни горива до 2027 година поради последиците од војната во Украина, но крајот на 2024 година може да го обезбеди првиот тест доколку Киев не го обнови договорот за транзит.

„Терминалите за ЛНГ во Полска, Германија, Литванија и Италија би можеле да ги проследат овие „изгубени“ волумени до најранливите земји, како што се Словачка и Австрија“, рече Халсер.

Рускиот гас може да биде „пренасочен кон Европа преку алтернативни патишта за да го замени гасот што транзитира во Украина. Најпогодени земји од раскинувањето на договорот ќе бидат Австрија, Словачка и Молдавија, велат од компанијата.

Во тој случај, Италија ќе треба да набави околу 3,75 милијарди кубни метри за Словачка и Австрија, од кои најголемиот дел преку терминалите за прием на ЛНГ. Уште 2 милијарди кубни метри ќе треба да дојдат од Турција во Бугарија, рече Халсер.

Инаку, инвестициите во ЛНГ растат во Европа, иако побарувачката стагнира. Диверзификацијата на изворите на енергија во Европа по 2022 година доведе до силен интерес за течен природен гас. Во моментов, од сега до 2025 година се планирани 42 проекти, од кои 31 се предложени, а 11 се во изградба. Овие проекти имаат за цел да ја обезбедат енергетската безбедност на регионот, намалувајќи ја зависноста од рускиот гас, која падна на 30 милиони кубни метри дневно, пренесува Енерџињуз.