Во сезоната на настинки, болки во грлото и непријатна кашлица често бараме брзо олеснување, а освен фармацевтските производи, подеднакво ефикасни можат да бидат и природните лекови кои ги користеле нашите баби.

Еден таков рецепт е сирупот од црвен кромид, за кој се потребни само две состојки – и веројатно веќе ги имате дома.

Црвениот кромид е богат со хранливи материи, вклучувајќи витамини Ц и Б6, фолна киселина, калиум и манган. Содржи и фитонутриенти и сулфур, кои имаат силни антибактериски својства.

Оваа комбинација помага во ублажување на кашлицата, го олеснува искашлувањето и го зајакнува имунитетот.

Состојки: еден црвен кромид и шеќер/мед

Подготовка: Излупете го кромидот и исечкајте го на ситни парчиња, а потоа ставете го кромидот во чиста тегла, посипете го секој слој со шеќер. Оставете ја теглата да отстои неколку часа (по можност преку ноќ) за кромидот да го ослободи својот сок. Шеќерот помага да се извлечат лековитите состојки од кромидот.

Ако не сакате шеќер, медот е одлична замена. Не само што е поздрав, туку има и дополнителни смирувачки и антивоспалителни својства. По желба сирупот можете да го збогатите со сок од лимон за уште посилно антибактериско дејство.

Како да се користи: Земете една кафена лажичка од сирупот на секои неколку часа. Овој сируп е безбеден за деца и возрасни. По подготовката, чувајте го во фрижидер, каде што може да издржи и до две недели.

Забелешка: Сирупот има експекторанс ефект, затоа избегнувајте го непосредно пред спиење за да избегнете непријатност.

Со овој природен лек кашлицата ќе стане полесна, а вашиот имунолошки систем ќе добие дополнителна поддршка во борбата против настинката.