Најголемото изненадување во Франција екипата на Брест како третопласирана во француското првенство се избори за место во Лигата на шампионите наредната сезона, а европските натпревари ќе мора да ги игра на друг стадион.

Градоначалникот на Брест, Франсоа Кулиандре најави дека Брест натпреварите во Лигата на шампионите ќе ги игра на стадионот „Стад де Роудоро“ во Гунингамп. Овој стадион бил избран затоа што е најблиску до Брест, а во игра бил и стадионот на Рен.

„Жал ми е што ние во „Ле-Блеу“ немаме услови, но исто така ова ја засилува нашата идеја за изградба на нов стадион“, изјави Кулиандре.

УЕФА го провери стадионот на Брест кон крајот на април и ги извести дека овој стадион не ги исполнува условите.