Пристигна принова во британското кралско семејство. Постарата ќерка на принцот Ендру и Сара Фергусон, принцезата Беатрис и нејзиниот сопруг Едоардо Мапели Моци станаа родители по вторпат.

Принцезата на свет ја донесе нивната втора ќерка која ја крстија Атина Елизабет Роуз.

„Нејзиното кралско височество принцезата Беатрис и г-дин Едоардо Мапели Моци со задоволство го објавуваат раѓањето на нивната ќерка Атина Елизабет Роуз Мапели Моци, родена во среда, 22 јануари, во 12:57 часот“, се вели во соопштението на кралското семејство.

 

View this post on Instagram

 

A post shared by The Royal Family (@theroyalfamily)

Девојчето е родено со нешто повеќе од 2 килограми.

„Кралот и кралицата и другите членови на кралското семејство се информирани и се воодушевени од веста. Принцезата Беатрис и г-дин Мапели Моци би сакале да му се заблагодарат на болничкиот персонал за нивната прекрасна грижа. Нејзиното кралско височество и нејзината ќерка се здрави и добро се, а семејството сега ќе ужива со Атина и нејзиниот постар брат и сестра, Волфи и Сиена“, се додава во соопштението.

Инаку, внуката на покојната кралица Елизабета Втора пред три години ја роди ќерката Сиена Елизабет Мапели Моци. Беатрис и Едоардо се венчаа во јули 2020 година, а Мапели Моци го има синот Волфи од претходната врска.

Поранешното момче на британската принцеза пронајдено мртво во Мајами: Toa на крајот го чинеше живот!