Принцезата Кетрин предизвика лавина од воодушевувања кога, заедно со нејзиното семејство – принцот Вилијам и децата Шарлот и Луис, пристигна пред Вестминстерската опатија, непосредно пред кралот Чарлс и кралицата Камила на нивното крунисување.

Сите очи беа вперени во принцот и принцезата, а на интернет просторот веднаш се појавија бројни коментари со комплименти за парот кој еден ден ќе владее со Велика Британија.

„Таа е создадена да биде кралица“, „Кетрин е неверојатно убава“, „Убава – однатре и однадвор“, гласат дел од коментарите.

Принцезата Кетрин носеше цветна круна, а, како и секогаш, имаше беспрекорна фризура и внимателно избрана шминка.
Од накитот се издвојуваа висечките обетки со дијаманти и бисери кои одлично ја надополнуваа круната.
Белиот фустан го прекри со кралска сина наметка со црвена постава и златни детали.