Швајцарското федерално обвинителство денеска побара затворска казна од две години и четири месеци за претседателот на ПСЖ, Насер Ал-Келаифи во жалбената постапка поврзана со продажба на телевизиските права од страна на Светската фудбалска федерација (ФИФА) за Светските првенства.

Обвинителството побара затворска казна и за поранешниот генерален секретар на ФИФА, Жером Валке и тоа во траење од две години и 11 месеци.

Првостепената пресуда која беше донесена во октомври 2020 година, и Ал-Келаифи и Валке беа ослободени од обвиненијата.

Обвиненијата се однесуваат за поткуп при продажба на телевизиските права за натпреварите од Светските првенства на катарската државна телевизија БеИН спортс, како и за бесплатното користење на куќа во Сицилија од страна на Валке, а која била купена од страна на катарска компанија која била основана токму од Ал-Келаифи. Жером Валке беше генерален секретар на ФИФА од 2007 до 2015 година