Израелскиот претседател Ревен Ривлин денес одлучи да му го довери мандатот за состав на новата влада на лидерот на опозицијата, Јаир Лапид, и тоа е чекор што може да доведе до крај на долгото владеење на премиерот Бенјамин Нетанјаху.

Ривлин ја објави својата одлука во живо на телевизија, еден ден откако Нетанјаху го извести дека не успеал да формира владејачка коалиција до вторникот на полноќ.

Ривлин рече дека денес се консултирал со сите партии избрани во израелскиот парламент, Кнесет, на изборите на 23 март и изрази уверување дека Лапид, лидерот на партијата има иднина (Јеш Атид), има најголеми шанси да формира коалиција.

Лапид, чиј покоен татко Томи Лапид, родум од Нови Сад, беше новинар и политичар, министер за правда, тој самиот беше новинар и популарен ТВ-презентер и министер за финансии од 2013 до 2014 година.

Тој сега има четири недели да постигне договор со потенцијалните партнери и се соочува со тешка задача бидејќи партиите во Кнесетот немаат ништо заедничко освен непријателството кон Нетанјаху.

Сепак, Лапид може да замине во историјата ако го прекине долгото владеење на Нетанјаху, кој беше премиер 12 последователни години, вкупно 15 години, според Асошиејтед Прес.