Претседателката на американскиот универзитет Харвард Клодин Геј поднесе денеска оставка по големиот број контроверзи со кои беше проследен нејзиниот краткотраен мандат, објави весникот „Харвард кримсон“.

„Со тешко срце, но и со голема љубов кон Харвард, соопштувам дека ќе се повлечам од местото претседател“, наведе Геј, која беше првата жена и Афроаемриканка на чело на Харвард.

Нејзиниот мандат е најкраткиот мандат на претседател на Харвард во историјата на универзиетот од неговото основање во 1936 годинс, имајќи предвид дека на функцијата помина шест месеци и два дена.

Геј поднесе оставка по големиот број обвинувања на нејзина сметка за плагијат и сомнеж во нејзината способност да одговори на антисемитизмот на кампусот.

Оставката од позицијата претседател на еден од најеминентните универзитети во САД доаѓа само три недели откако главните луѓе на Харвард ѝ пружија едногласна поддршка на Клодин Геј.