Претседателката Гордана Сиљановска Давкова по повод големиот христијански празник Христовото раѓање – Божиќ упати честитка до Киро Стојанов, Скопски бискуп и eпарх Струмичко-скопски и до сите верници кои го прославуваат Божиќ според Грегоријанскиот календар.

-Ми претставува особено задоволство на сите верници кои го прославуваат Божиќ според Грегоријанскиот календар, да ви го честитам денот на Христовото раѓање – Божиќ. Искрено посакувам најсветлиот ден да внесе мир, љубов и радост во вашите срца и да вроди верба и надеж за похумана иднина. Божиќ е симбол на ново раѓање, нов и поубав живот. Тој нè потсетува на безусловната љубов, дарувањето и заедништвото и ни дава духовна сила и спокој, пишува претседателката во честитката – посака Сиљановска Давкова.

Таа порача празничните денови да ги поминеме во кругот на најблиските и да го чуваме и почитуваме достоинството на нашата татковина, Македонија.