Апелациониот суд во Барселона го ослободи поранешниот бразилски фудбалер Дани Алвеш обвинувањата за силување, иако првично беше прогласен за виновен за напад на девојка во ноќен клуб.

Алвеш се обвинуваше за инцидент за кој се тврдеше дека се случил во 2022 година и беше осуден на четири ипол години затворска казна. Исто така тој помина и 14 месеци во притвор по што беше пуштен на слобода со кауција од еден милион евра.

Иако судот го пушти на слобода, сепак Алвеш секој петок мораше да се јавува во судот и не смееше да ја напушти Шпанија, а исто така исплати и 150.000 евра на жртвата.

Но, сега се случи пресврт и судот го процени сведочењето на жртвата како не доволно за да се задржи првостепената пресуда.

Ќе потсетиме, Алвеш е еден од најтрофејните фудбалери во историјата и во својата кариера успеа да освои вкупно 42 трофеи.