Селекторот на репрезентацијата на Полска, Михаел Пробијеж, поднесе оставка по отворениот конфликт со најголемата ѕвезда на националниот тим, Роберт Левандовски. Искусниот напаѓач на Барселона одби повик за квалификацискиот дуел против Финска, наведувајќи замор како причина, што не му се допадна на селекторот.

Како одговор на неговото откажување, Пробијеж му ја одзеде капитенската лента и за нов капитен го именуваше Пјотр Зјелински. Поради тоа Левандовски јавно изјави дека нема да настапува за репрезентацијата додека Пробијеж е селектор.

Иако претседателот на Фудбалската федерација на Полска, Цезари Кулеша, вчера јавно ја изрази поддршката за селекторот, денеска дојде до пресврт, федерацијата официјално соопшти дека Пробијеж поднел оставка.

„Дојдов до заклучок дека ова е најдоброто за репрезентацијата“, изјави Пробијеж, кој ја водеше Полска од 2023 година.

Ова веројатно значи и дека Левандовски повторно ќе биде на располагање на репрезентацијата, веќе за циклусот во септември. Тој е рекордер по бројот на настапи за Полска (158) и најдобар стрелец во историјата на репрезентацијата со 85 погодоци.

Oświadczenie selekcjonera Michała Probierza

– Doszedłem do wniosku, że w obecnej sytuacji najlepszą decyzją dla dobra drużyny narodowej będzie moja rezygnacja ze stanowiska selekcjonera. Pełnienie tej funkcji było spełnieniem moich zawodowych marzeń i największym życiowym… pic.twitter.com/wbP7BDwbjD

— PZPN (@pzpn_pl) June 12, 2025

Шок во Полска: Левандовски се откажа од репрезентацијата!