„Слободен печат“ започнува со уште еден нов проект со кој се надеваме дека ќе го збогатиме домашниот медиумски етер. Секоја седмица во магазинот насловен „Пресврт“ ќе имаме интересни и екслузивни гости во доменот на надворешната и домашната политика, економијата, глобалната безбедност како и регионалните меѓудржавни односи.

Нашиот фокус ќе биде на динамичните промени во светот и Балканот, како и на влијанието на овие процеси на нашето секојдневие.

Ви ветуваме анализи, дискусии и разговори со експерти кои ќе ни помогнат да го разбереме светот околу нас и да ја разгледаме перспективата за иднината. Следете нè за актуелни и контроверзни теми што ја обликуваат денешната геополитика.

Премиерно во првото издание на емисијата наш гостин ќе ни биде аналитичарот Џелал Незири со кого ги коментираме трансатланските односи меѓу САД и Европа и дали за новата политичка реалност ќе треба да се прилагодуваме сите.

Не пропуштајте ја нашата прва емисија.  Гледајте ја премиерно утре емисијата „Пресврт“ на јутјуб-каналот на „Слободен печат“.