Пресудата во постапката против Владимир и Милјана Кецмановиќ, родителите на момчето кое на 3 мај минатата година уби девет ученици и обезбедувањето во ОУ „Владислав Рибникар“ и Немања Маринковиќ, инструкторот на стрелиштето каде што момче е однесено на вежбање, ќе се изрече на 30 декември.

Ова го соопшти судскиот совет на Вишиот суд во Белград, откако на вчерашната главна расправа ги изнесе последните предложени докази, односно го сослуша таткото на момчето што беше рането во пукотницата во училиштето и изнесе писмени докази.

За разлика од судењето, кое од почетокот беше затворено за јавноста, на изрекувањето на пресудата ќе можат да присуствуваат сите заинтересирани.