Финска ќе врати две џиновски панди во Кина во ноември, повеќе од осум години пред предвиденото, бидејќи зоолошката градина во која живеат повеќе не може да си дозволи да ги чува, изјави претседателот на управниот одбор на зоолошката градина за „Ројтерс“.

Пандите, наречени Луми и Пири, беа донесени во Финска во јануари 2018 година, неколку месеци откако кинескиот претседател Си Џинпинг ја посети земјата и потпиша заеднички договор за заштита на животните.

Од своето основање во 1949 година, Кина испраќа панди во странски зоолошки градини за да ги зајакне трговските врски.

Зоолошката градина инвестираше повеќе од осум милиони евра во објектот во кој живеат животните и се соочи со годишни трошоци од 1,5 милиони евра за нивно одржување.

Зоолошката градина во Финска се надеваше дека пандите ќе привлечат посетители, но минатата година беше објавено им донеле само долгови.

Зголемената инфлација ги зголеми трошоците, соопшти зоолошката градина, а финската влада ги одби барањата за државно финансирање во 2023 година.

Преговорите за враќање на животните траеја три години.