За денешниот ручек воопшто не размислувајте, погответе си ја оваа кремаста пита со риба и уживајте во нејзиниот вкус…

СОСТОЈКИ:

– 500 г риба по избор

– 35 г путер

– 25 г брашно

– 4 млади кромитчиња

– 400 мл млеко

– 1 лажичка сенф

– 200 г смрзнат грашок

– 100 г рендан кашкавал

– домашно пире од компири

ПОДГОТОВКА:

Загрејте ја рерната на 180 степени. Во сад стопете го путерот, додајте ги сечканите млади кромитчиња и пржете на тивко една минута. Потоа додајте го брашното и гответе уште малку. Додајте го млекото и нека зоврие. Мешајте да не се направат грутки. Додајте половина од кашкавалот и мешајте уште една неколку минути на тивко, да се згусне. Тргнете го садот од оган, во него додајте ја рибата (обарена и исчистена од коски), сенфот, грашокот и измешајте да се распоредат состојките. Префрлете ја смесата во огноотпорен сад, над него распоредете го пирето, посипете со остатокот рендан кашкавал и печете 30-40 минути, додека пирето добие златно-жолта боја.