Пратеничката во македонкото Собрание од редовите на ВМРО-ДПМНЕ, Бети Стаменкоска Трајкоска, беше одликувана со орден „Витез од редот на академски палми” од Француската Република.

„Почестена сум што добивам одликување, орден „Витез од редот на академски палми” од Француската Република“, напиша таа на социјалните мрежи.

„Ова одликување го добивам заради вложениот труд во промоција на францускиот јазик и култура како професор, пратеник и претседател на Франкофонската секција во Собрание на Република Македонија. Горда сум што можам да кажам дека припаѓам на оние што градат мостови на соработка помеѓу земјите. Продолжуваме заедно, за Македонија“, напиша Стаменкоска Трајкоска.