Откако вчера беа извлечена ждрепката за новата сезона Лигата на шампионите, денеска е познат и распоредот, а сезоната започнува 16 септември. Првото коло носи и дерби натпревари во кои Баерн Минхен ќе го пречека Челси, додека Ливерпул ќе биде домаќин на Атлетико Мадрид.

Првите натпревари ќе се одиграат на 16 септември, со почеток во 18:45 часот, кога Атлетик Билбао ќе се сретне со Арсенал, а во истиот термин ќе се сретнатПСВ и Унион. Од 21 часот, Реал Мадрид ќе игра против Марсеј, Јувентус против Борусија Дортмунд, Тотенхем против Виљареал и Бенфика против Карабах.

Во второто коло, на 17 септември во 18:45 часот ќе се сретнат Олимпијакос и Пафос, како и Славија Прага и Бодо Глимт. Мечевите од 21 часот ќе понудат серија врвни дуели: ПСЖ – Аталанта, Ајакс – Интер, Баерн Минхен – Челси и Ливерпул – Атлетико Мадрид.

Третото коло ќе се одигра на 21 и 22 октомври, паа следуваат нови натпревари на 4 и 5 ноември, како и петтото коло на 25 и 26 ноември. Шестото коло ќе се игра на 9 и 10 декември, додека седмото ќе се одигра на 20 и 21 јануари 2026 година, а последното осмо на 28 јануари.

Во осминафиналето ќе поминат осумте најдобри тимови од групите, додека тимовите од 9-то до 24-то место ќе се борат во плејофот за влез во осминафиналето. Клубовите кои ќе завршат на позициите од 25-то до 36-то место, ќе го завршат своето учество во европските натпреварувања.

Трофејот во Лигата на шампионите го брани ПСЖ, кој во минатата сезона го совлада Интер со 5-0 во финалето. Финалето за оваа сезона ќе се игра на 30 мај во Будимпешта.