Производителот на комерцијални возила „Дајмлер Трак“ вчера објави дека планира да намали околу 5.000 работни места во својата матична земја Германија до крајот на деценијата.

Бранот отпуштања беше најавен на презентација на стратегијата во Шарлот, Северна Каролина, само еден ден откако компанијата објави пад на продажбата од пет проценти во вториот квартал.

Слабите квартални резултати одразуваат значителен пад на побарувачката на нејзиниот клучен американски пазар.

Дајмлер е еден од најголемите светски производители на камиони и продаде 106.715 камиони и автобуси во вториот квартал, што е пет проценти помалку отколку во истиот период минатата година, според деловниот извештај објавен во понеделникот.

Продажбата во одделот „Северна Америка“ се намали за 20 проценти на 38.580 возила, објави компанијата. Азиската дивизија, од друга страна, забележа скок на продажбата од 13 проценти, со испорачани 26.443 камиони, потсетува агенцијата ДПА, пренесува Пословни дневник.