Словенечкиот стратег Бранко Тамше според информациите на медиумите во регионот ќе биде наследникот на Бранко Ангеловски на клупата на Еурофарм Пелистер.

По отказот кој го доби Ангеловски поради лошите резултати, клубот привремено го води Звонко Шундовски, а сега се најавува дека Тамше би можел да биде тој кој ќе биде доведен како долгорочно решение.

Станува збор за стратег кој има 46 години и 15-годишна кариера како тренер. Кариерата ја започна како помошник во Горење, а потоа и го презема тимот со кој трипати беше шампион на Словенија. Големи успеси оствари со Цеље каде што во пет години освои дури 14 титули од можните 15 во словенечкиот ракомет.

Од останатите клубови работеше во Загреб, Ал Рајан и Нексе од каде што си замина во февруари оваа година.