Пожарот во депонијата Вардариште е ставен под целосна контрола. Дел по дел ќе биде враќана електричната енергија во населбите каде денес попладне имаше прекин поради пожарот во депонијата Вардариште.

Од безбедносни причини беа исклучени неколку далноводи, па без струја останаа делови од населбите Аеродром, Лисиче, Методија Андонов Ченто, индустриската зона, Кванташки пазар, како и Арачиново, Стајковци, Трубарево и Бунарџик.

Поради обемот на пожарот и опасноста да се прошири надвор од депонијата, БППЗ Скопје испрати еден БТР, еден хермелин и тим на ДЗС. Се сомнева дека пожарот е намерно предизвикан.

Превентивно беше исклучен далекуводот што ги снабдува трафостаниците „Аеродром” и „Исток“ за безбедно гаснење на пожарот и спречување поголеми дефекти на мрежата.

Екипите на Електродистрибуција се на терен и чекаат одобрение од Противпожарната бригада за да го нормализираат снабдувањето со електрична енергија.