Центарот за управување со кризи (ЦУК) информира дека денеска на територијата на државата се регистрирани четири пожари на отворен простор, од кои три се ставени под контрола, а еден е целосно изгаснат.

Според соопштението од ЦУК, под контрола е ставен пожарот во општина Македонски Брод, во повеќенаменското подрачје „Јасен“ каде што горела мешана шума, потоа пожарот на планината Кожуф во општина Гевгелија, како и пожарот во општина Долнени, кај селото Долгаец, каде што исто така била зафатена мешана шума.

Целосно изгаснат е пожарот во општина Куманово, на улицата Доне Божинов, каде што горело ѓубриште.

„На ден 26.08.2025 година, до 12:00 часот, на територијата на Република Северна Македонија има вкупно четири пожари на отворен простор – нема активни, три се под контрола и еден пожар е изгаснат“, се вели во соопштението од ЦУК.