Ландо Норис заврши како првопласиран на единствениот слободен тренинг пред трката за Големата награда на Бразил.

Британскиот возач со време од 1:10.610 беше најбрз на трката на Интерлагос, а зад него со заостанување од 181 илјадитинка остана Џорџ Расел од Мерцедес. Како трет заврши дебитантот Оли Берман кој доби шанса на првиот тренинг во болидот на Хас на местото на Кевин Магнусен.

Лидерот во генералниот пласман, Макс Ферстапен заврши дури како 15. со секунда заостанување зад Норис. Трката во недела Ферстапен ќе ја започне и со казна од пет места подоле од местото што ќе го освои во квалификациите поради промена на погонската единица.

Квалификациите се закажани за утре од 19:00 часот, а трката ќе се вози в недела од 18:00. Претходно ќе се возат спринт квалификациите и спринт трката.