Повремениот репрезентативец на Македонија, Горан Крстевски е најново засилување на ГРК Охрид.

Претходно Крстевски има настапувано во Металург и Еурофарм Работнк, како и во австриски Линц и романскиот клуб Фочани.

Ресенчанецот игра на позицијата среден бек, а во Охрид ќе го носи дресот со број 25.

Организаторот на игра Крстевски е деветто засилување на ГРК Охрид за сезоната 2023/24 во која клубот влегува со големи амбиции и цел излегување во Европа.

До 9 август екипата ќе биде во Охрид по што ќе следи контролен меч со Еурофарм Пелистер во Битола. На 10 август ГРК Охрид оди на базични подготовки во Маврово каде ќе остане до 18 август. Таму ќе одигра еден натпревар со Вардар. По враќањето во Охрид екипата ќе настапи на вториот меморијален турнир „Крсте Андоновски – Усташ.