Како што соопшти СВР Куманово, две учеснички на велосипедската трка во Куманово како дел од Европскиот младински олимписки фестивал се повредија при пристигнувањето на целта.

– Вчера во СВР Куманово било пријавено дека за време на одржување на велосипедска трка, при пристигнување на целта паднале и се повредиле една малолетничка од Полска и С.М.С.(21) од Норвешка, кои се учеснички на Eвропскиот младински олимписки фестивал кој се одржува во нашата земја. Тие се здобиле со телесни повреди констатирани во Општа болница Куманово – соопшти кумановската полиција.

Двете велосипедистки се здобија со гребнатини по различни денови од телото информираа од кумановската болница. А по пружената помош биле преземени од организаторите.

Лекарите ги прегледале, опсервирале, им направени дополнителни иследувања, снимања. Се работи за лесни повреди, по спроведената опсервација од лекарите, учесничките биле преземени од одговорните лица за младинки од Олимпискиот комитет.

Пред два дена додека тренираа за учество на велосипедската трка, возило удрило во двајца малолетници од Исланд во атарот на село Зубовце.

Поминаа со полесни повреди, гребнатини, едното лице со гребнатини по рацете и нозете и по пружената здравствена нега беше преземено од комитетот. Второто лице се здоби со гребнатини по лицето, беше задржано во текот на ноќта во болницата, па беше отпуштено.

Велосипедска федерација: Демант во врска со инцидентот со двајцата велосипедисти учесници на ЕМОФ 2025