22-ца граѓани, повредени при паѓање на снегот и мразот на скопските тротоари, побарале лекарска помош во старата градска болница „Свети Климент Охридски“ во Скопје. Лекарите велат дека најчесто страдаат горните екстремитети, односно рацете.

Директорот на Универзитетската клиника, д-р Небојша Настов, за МТВ вели дека за среќа, меѓу повредените нема повозрасни лица.

Лекарите советуваат повозрасните граѓани да не излегуваат од дома, освен ако не е неопходно, а сите да носат соодветни обувки. Поранливите категории граѓани да користат и помагала при пешачењето. Особено внимание ќе биде потребно во наредните денови, кога се очекуваат и температури длабоко во минусот.

Снегот го исчисти воздухот во Скопје