Според реномираниот фудбалски инсајдер Фабрицио Романо, шпанскиот стратег Чаби Алонсо наскоро и официјално ќе биде промовиран како нов тренер на Реал Мадрид. Тој веќе потпишал договор со „кралскиот клуб“ до 2028 година и сè наскоро би требало да биде потврдено. Планот е Алонсо да го преземе кормилото на тимот од Светското клупско првенство.

Ова значи и крај на една успешна ера, Карло Анчелоти ќе ја напушти тренерската позиција по завршувањето на сезоната. Искусниот Италијанец е на клупата на Реал од 2021 година, а претходно го водеше клубот и во периодот од 2013 до 2015 година.

Анчелоти зад себе остава импресивен биланс: две титули во Ла Лига, два Купа на кралот, две титули во шпанскиот Суперкуп, три Лиги на шампиони (две во вториот мандат), три Суперкупа на УЕФА, две Светски клупски првенства и еден Интерконтинентален куп.

Алонсо е поранешен шпански репрезентативец и поранешен играч на Реал Мадрид, има богата историја со клубот. Меѓу 2009 и 2014 година како фудбалер освои бројни трофеи, вклучително и Лигата на шампионите во 2014 година.

Како тренер, го водеше Баер Леверкузен до историски успех и ја освои Бундеслигата минатата сезона прекинувајќи ја доминацијата на Баерн кој оваа сезона повторно се врати на тронот.

🚨🤍 Xabi Alonso to Real Madrid, here we go! Story confirmed and deal sealed for Xabi as new manager until 2028.

Staff sorted, contract in place and three year deal for Alonso with Real planning for him to start at FIFA Club World Cup.

Ancelotti farewell soon, then Xabi era. 🎞️ pic.twitter.com/s6jY4DzZmx

— Fabrizio Romano (@FabrizioRomano) May 12, 2025