Македонскиот шампион Струга Трим Лум победи против Есперанж со 3:1 во првиот натпревар од третото квалификациско коло за Конференциската лига, а ако се пласира во плеј-офот Струга нема да може да игра во Македонија.

Тимот на Струга натпреварот на „домашен“ терен ако се пласира во плеј-офот ќе го игра во Албанија, информацијата за МИА ја потврди спортскиот директор Бесар Исаку.

„Доколку се пласираме во плејофот во Конференциската лига натпреварот на кој треба да бидеме домаќини ќе го играме во Елбасан. Тоа е веќе потврдено“, изјави Исаку за МИА.

Натпреварот против Есперанж Струга го играше на теренот на ФФМ во Скопје, но тој нема услови на него да се игра натпревар од плеј-оф во европско натпреварување, додека Националната арена е затворена поради проблем со теренот.