Како што пренесуваат американските медиуми наскоро би можела да заврши ерата на Џоел Ембид во Филаделфија. Тоа сигурно би бил најголемиот потрес во тиомот, а се шпекулира и за враќање на Џејмс Харден во Хјустон.

Филаделфија беше шокантно поразена во полуфиналето на источната конференција против Бостон, а веднаш потоа замина тренерот Док Риверс, но тука можеби нема да биде крајот на заминувањата.

Актуелниот МВП не се прослави по добиената награда и наводно поради незадоволството размислува за промена на средината. Со неговото заминување би завршила една ера која започна во 2014 година кога Камерунецот пристигна во овој тим.

Американскиот новинар Стефан Бонди кој сепак нема реноме како најпознатите новинари во САД за НБА пренесе дека Њујорк Никси покажал интерес за Ембид. Никси сметаат дека со Ембид би можеле да направат исчекор и да го освојат шампионскиот прстен.

Joel Embiid is a name to watch for the New York Knicks, per @SBondyNYDN pic.twitter.com/qZKmEjpXHi

— NBACentral (@TheNBACentral) May 19, 2023

Исто така Џејмс Харден во последните денови се поврзува со враќање во Хјустон. Мајката на Харден се уште живее во овој град, а и самиот кошаркар има деловни бизниси таму, па поради тоа се погласни се таквите шпекулации.

Останува времето да покаже што ќе се случува, но барем засега според најавите Филаделфија би можела да има сосема поинаков изглед во наредната сезона.