Перо Антиќ, претседателот на македонската кошаркарска федерација, и поранешен играч на Црвена Звезда потпиша Меморандум за разбирање и соработка со кошаркарската федерација на поранешната српска покраина Косово.

Тоа значи дека овие две кошаркарски федерации ќе имаат заеднички развој и соработка која ќе трае најмалку две години, како и заеднички состаноците кои ќе се одржуваат еднаш годишно.

Воедно тоа значи и организирање на пријателски натпревари помеѓу младите селекции, размена на стручњаци и заеднички тренинзи, учества на играчи, судии и тренери во кампови кои ќе бидат организирани од федерациите.

Српските медиуми не можат да поверуваат во потегот кој го направил Антиќ и се прашуваат што ли ќе кажат на ова и како ќе реагираат популарните „Делије“, но и навивачите на Црвена Звезда?

Антиќ е поранешен репрезентативец на Македонија, со „црвено-жолтите“ во 2011 година на Европското првенство во Литванија го освои историското четврто место.

Во својата кариера на клупски план ги бранеше боите на Работнички, АЕК, Црвена Звезда, Лукоил Академик, Локомотив Кубан, Лукоил Академик, Спартак Ст. Петерсбург, Олимпијакос, Фенербахче, а беше дел и од НБА лигата настапувајќи за екипата на Атланта Хокс. Последен клуб за кој играше беше Црвена Звезда во периодот од 2017-2018 год.