Во шестото издание на поткастот „Со Ана на ТИ“ гостинка е Татјана Алексиќ, професорка по македонски јазик и литература во скопската гимназија „Раде Јовчевски-Корчагин“ и една од ретките која е вљубена во својата професија. Ја познаваме и по проектот „Сексуална азбука“, кој зборува за љубовта, сексот и сексуалноста.

Со Татјана зборувавме за нејзиниот животен пат, од дете па до реализирана жена и професионално и приватно. Зборувавме и за нејзиниот здравствен проблем, длабока венска тромбоза, како и за потребата од сексуална едукација во училиштата. Татјана го кажа и своето мислење за проблемите на младите луѓе, нивното ментално здравје и што најмногу ги мачи во денешно време.