Во десетото издание на поткастот „Со Ана на ТИ“ гостува Лука Ѓоргиевски, фронтменот на скопскиот бенд „Фанкшуи“. Лука е музичар кој сака да потенцира дека е од Припор и кој никогаш не се одлучил за формално музичко образование, што не го спречило да го следи својот порив и до денес да се занимава само со музика.

Иако вели дека не сака многу да „бамбури“, со Лука зборувавме за многу различни и интересни теми, почнувајќи од неговото детство, образованието, булингот во основно училиште, „различноста“ како доблест или маана во нашето општество, љубовта, музиката … Поткастот ќе се емитува вечерва во 20 часот на јутјуб каналот на „Слободен печат“.