Во новото издание на поткастот „Со Ана на ТИ“ овој петок гостува Дина Јашари, една од ретките артистки, која иако има само 25 години веќе ја има освоено алтернативната балканска музичка сцена.

Со Дина разговаравме на многу различни теми, но фокусот беше на нејзиниот прв албум „Растенија без корен“, кој излегува овој викенд. Таа ни раскажа и за своето совршено детство, личниот развој на приватен и професионален план, предизвиците со кои се соочува попатно како и амбициите кои ги има за во иднина.
Поткастот ќе се емитува вечерва во 20 часот на јутјуб каналот на „Слободен печат“.